12.6 C
A Coruña
lunes 29 noviembre 2021
InicioUrbanismoO Concello avanza na procura de acordos para a apertura dos peiraos...

O Concello avanza na procura de acordos para a apertura dos peiraos de Batería e Calvo Sotelo á cidade

Tras a reunión coa Xunta e a Autoridade Portuaria, o concelleiro de Urbanismo, Juan Díaz Villoslada, pediulle á Xunta que manteña o seu esforzo inversor para a reurbanización dos terreos

O Concello segue avanzando no desenvolvemento do futuro da fachada marítima. Tras a reunión coa conselleira de Infraestruturas, Ethel Vázquez, e o presidente da Autoridade Portuaria, Martín Fernández Prado, o concelleiro de Urbanismo, Juan Díaz Villoslada, sinalou que o encontro serviu para seguir a avanzar nos obxectivos marcados pola alcaldesa da cidade, Inés Rey, en numerosas ocasións: a integración do porto na cidade e a definición dun novo horizonte litoral.

O concelleiro solicitoulle á Xunta que manteña o esforzo inversor que estaba disposta a facer para a urbanización dos peiraos sinalando que “non ten por que existir unha relación directa entre o achegamento das administracións para a adquisición do chan co importe do financiamento para as obras de adecuación destes peiraos”.

O concelleiro asegurou que é importante seguir buscando o consenso entre todas as administracións competentes na comisión de traballo do Porto, que é o único marco válido para facelo ao estar representadas todas as administracións, pero subliñou que estas xuntanzas son importantes para debateren os matices. O edil indicou que o Goberno local mantén a proposta da Alcaldesa de adquirir o 75% do solo co fin de garantir a titularidade pública dos terreos portuarios: “A Xunta e a Autoridade Portuaria entenderon a nosa proposta xa que é unha zona primordial da Coruña”. O concelleiro lembrou que, como sinalara a Alcaldesa, o futuro do Porto é o futuro da cidade “e temos que deseñalo dende a cidade, en colaboración coas administracións implicadas e tamén co resto dos grupos municipais da corporación”.

Na vindeira reunión da comisión de traballo, prevista para setembro, abordarase en
detalle a proposta de convenio de colaboración do Concello coa Xunta de Galicia e
a Autoridade Portuaria da Coruña para a adecuación e humanización dos terreos
ocupados polo peirao de Batería e tamén o proxecto de protocolo para a
reordenación do espazo portuario interior da Coruña. Neste protocolo o Concello
propón a creación dun ente público participado polo resto de administracións
competentes
e tamén a elaboración dun Plan Director que estableza os diferentes
usos nas distintas zonas en virtude da súa natureza.

Redacción
Contenido publicado por la redacción de Noticias Coruña.
ARTÍCULOS RELACIONADOS

SÍGUENOS EN REDES SOCIALES

spot_img

Últimas publicaciones

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies