12.6 C
A Coruña
lunes 28 noviembre 2022
InicioSociedadO Concello destina 60.000 euros para apoiar as actividades e o funcionamento...

O Concello destina 60.000 euros para apoiar as actividades e o funcionamento das asociacións veciñais

A Concellaría de Igualdade, Benestar Social e Participación recibiu un total de 23 solicitudes de entidades da cidade

Tras a publicación da convocatoria o pasado mes de abril, a Concellaría de Igualdade, Benestar Social e Participación recibiu un total de 23 solicitudes de subvención correspondentes ás dúas liñas de axudas. A primeira delas, dirixida a apoiar o funcionamento das entidades que non dispoñen dun local municipal en réxime de cesión gratuíta; e a segunda para subvencionar programas, proxectos e actividades desenvolvidas polas asociacións veciñais en 2021. O Concello destina un total de 60.000 euros para apoiar ás entidades veciñais.

O Goberno de Inés Rey considera esencial o apoio ao asociacionismo veciñal, por consideralo un dos instrumentos máis importantes para garantir a participación da cidadanía, contribuíndo á construción colectiva da nosa cidade.

No caso da primeira convocatoria, o importe total para este ano 2021 é de 25.000 euros, destinados a financiar gastos xerais de funcionamento das asociacións veciñais que carezan de local municipal en réxime de cesión gratuíta.

Doutra banda, a segunda convocatoria ten un importe total asignado de 35.000 euros, para financiar proxectos e actividades de natureza diversa desenvolvidas polas entidades veciñais: accións formativas, faladoiros e conferencias, actividades de dinamización, lúdicas, culturais tradicionais, concursos ou obradoiros; algunhas con interesantes ferramentas de fomento de participación da cidadanía.

A partir da publicación desta listaxe provisoria, as entidades teñen un prazo de 10 días para presentar alegacións, aos que se engaden 5 días máis para, no caso da liña 2, presentar solicitudes de reformulación do orzamento inicial para axustarse ao importe de subvención concedido de maneira provisoria.

Redacción
Redacción
Contenido publicado por la redacción de Noticias Coruña.
ARTÍCULOS RELACIONADOS

SÍGUENOS EN REDES SOCIALES

spot_img

Últimas publicaciones

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies