12.6 C
A Coruña
miércoles 17 agosto 2022
InicioSociedadO Concello habilitará un dispositivo especial para velar pola seguridade da veciñanza...

O Concello habilitará un dispositivo especial para velar pola seguridade da veciñanza na noite de San Xoán

Policía Local, Bombeiros e Policía Nacional traballarán de forma coordinada para evitaren que se produzan incidentes tanto nas praias, cuxo acceso se pechará ás 21.00 horas, coma nos barrios.

O concelleiro de Seguridade Cidadá, Juan Ignacio Borrego, informou hoxe de que neste segundo San Xoán sen fogueiras na praia, haberá un dispositivo especial coordinado entre a Policía Local e Bombeiros, xunto á Policía Nacional co fin de velar pola seguridade da veciñanza nun ano en que a festividade se celebrará nos barrios. Deste xeito, evitaranse os amoreamentos de persoas e o San Xoán festexarase en grupos pequenos nas distintas zonas da cidade para que o Goberno de Inés Rey formulará distintas actividades de ocio. O edil recordou que está activado un procedemento para que as/os particulares e mais as/os propietarias/os de hostalaría soliciten a través do rexistro municipal o permiso para realizaren sardiñadas ou churrascadas: “Levamos 379 peticións este ano, pero aínda quedan dous días de prazo”.
Por outra parte, sinalou que ás 21.00 horas se pechará o acceso aos areais por unha cuestión de seguridade e que se levará a cabo unha vixilancia especial, cun dispositivo nas praias, que reforzará o formado polas e polos axentes e bombeiros repartidos polo resto da Coruña. Borrego lembrou que o ano pasado o resultado do San Xoán nos barrios foi fantástico e agarda que o comportamento exemplar da xente se volva repetir nesta noite do 23.

Redacción
Redacción
Contenido publicado por la redacción de Noticias Coruña.
ARTÍCULOS RELACIONADOS

SÍGUENOS EN REDES SOCIALES

spot_img

Últimas publicaciones

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies