12.6 C
A Coruña
sábado 23 octubre 2021
InicioUrbanismoO Concello actualiza o seu mapa luminoso para acadar unha iluminación máis...

O Concello actualiza o seu mapa luminoso para acadar unha iluminación máis sostible e segura

O obxectivo do Goberno de Inés Rey é renovar a iluminación pública da cidade nos próximos tres anos cunha axuda europea de 12,6 millóns de euros, despois de que o Ministerio para a Transición Ecolóxica ratificará o proxecto presentado polo executivo local.

No marco da Semana Europea da Mobilidade, o concelleiro de Urbanismo e Mobilidade, Juan Díaz Villioslada, presentou esta maná unha actualización do mapa luminoso da cidade, que inclúe toda a rede de iluminación coas súas características, co fin de acadar unha iluminación máis sostible e segura, reducir os niveis de contaminación e consumo enerxético. “O noso obxectivo é iluminar ben, garantir a seguridade, aforrar na factura e reducir a contaminación luminosa”, dixo.

Villoslada lembrou que o obxectivo do Goberno de Inés Rey é renovar a iluminación pública da cidade nos próximos tres anos cunha axuda europea de 12,6 millóns de euros, (IDAE) despois de que o Ministerio para a Transición Ecolóxica e o Reto Demográfico ratificara o proxecto presentado polo Executivo local para mellorar a eficiencia da cidade. Unha cifra que que o Concello completará con 3,1 millóns de euros, até acadar a contía total de 15,7 millóns de euros.

O concelleiro explicou que o mapa é unha ferramenta GIS apoiada nun motor de cálculo luminotécnico, que ten cargada toda a rede da cidade e permítenos estudar e simular o comportamento da rede de iluminación: unha especie de modelo dixital. Unha ferramenta que permite a monitorización con datos reais das necesidades de iluminación de toda a cidade e incluso analizalos tendo en conta o tipo de vías e tipos de velocidades nas vías, o que permite coñecer os niveis de sobreiluminación, e infrailuminación das vías da cidade e modular o tipo de iluminación.

“É por tanto unha ferramenta nova, única no noso país, na que se leva traballando varios anos e que xa está finalizada. Actualizala e explotala é un reto para o servizo de iluminación, xa que permite analizar a iluminación da cidade e optimizar solucións técnicas para a súa modernización, calculando as mellores solucións luminosas enerxéticas e ambientais”, sinalou Villoslada, que engadiu que o mapa permitirá conxugar as necesidades de iluminación da cidade, coas necesidades de seguridade e reducir os niveis de consumo enerxético de electricidade e de contaminación. O cambio nas clases de iluminación nas vías da cidade derivará nun aforro enerxético importante e unha mellora da calidade ambiental.

Neste senso, o concelleiro resaltou que o obxectivo é ter un nivel de iluminación “con confort e con seguridade”, e lembrou que durante a pandemia realizáronse diversos axustes na iluminación de determinadas zonas que non se estaban utilizando, o que permitiu ter unha rede máis eficiente e aforrar enerxía: “Non se trata de ir apagando todas as luces, senón ir tendo a iluminación que se necesita en cada zona da cidade e haberá zonas que poidan estar infrailuminadas e outras sobreiluminadas”, apuntou.

Canto as queixas por falta de seguridade en certas vías, o concelleiro dixo que é necesario ter en conta todos os puntos de vista “pero máis luz non significa necesariamente máis seguridade, senón que é necesaria unha mellor iluminación”.

Redacción
Contenido publicado por la redacción de Noticias Coruña.
ARTÍCULOS RELACIONADOS

SÍGUENOS EN REDES SOCIALES

spot_img

Últimas publicaciones

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies