O candidato plantexa unha reducción significativa da edificabilidade prevista no planeamento, nun dos barrios con maior densidade de poboación da Coruña
O candidato de Podemos, Esquerda Unida e Alianza Verde á alcaldía da Coruña, José Manuel Sande, comprometeuse a abrir o Parque do Agra para o uso e disfrute público, logo de varios anos sen avanzo algún nesta reivindicación histórica da veciñanza.
Sande tamén plantexou un segundo compromiso ao respecto da zona, que é a sinatura dun convenio que posibilite o traslado do Instituto Meteorolóxico a unha zona más adecuada, puidendo recuperar as súas instalacións como un novo equipamento cívico que complemente o parque.
A dobre proposta viría acompañada dunha reducción significativa da edificabilidade no barrio, xa que é un dos que ten maior densidade de poboación e merece ter espazos verdes sen un urbanismo depredador.
O candidato visitou a zona xunto ao colectivo veciñal que suma anos de reivindicacións polo Parque do Agra e a súa accesibilidade, e comprometeuse a recuperar e protexer o camiño do Pinar e as súas edificacións, recoñecéndoas no planeamento municipal.