12.6 C
A Coruña
sábado 23 octubre 2021
InicioSociedadO Concello recupera o modelo de "Orzamentos participativos" da Marea pero con...

O Concello recupera o modelo de «Orzamentos participativos» da Marea pero con pouco éxito.

A concelleira Yoya Neira anunciaba a achega de 733 propostas, mentres que un concello moito menor como Cambre, nun proxecto similar recibiu mais de 400 iniciativas.

Os coruñeses e coruñesas presentaron ao Concello 733 propostas para decidir o destino de 2,5 millóns de euros dos orzamentos da cidade. Por distritos, o que recibiu un maior número de propostas, foi o Distrito 7 con 174 aportacións, seguido do Distrito 8 con 65 propostas. En total recibíronse 184 aportacións para distribuír os 1,5 millóns de euros destinados aos distintos barrios da cidade. Todas as propostas presentadas pódense consultar na web www.nacorunacontas.coruna.gal

Durante o proceso de recollida de propostas leváronse a cabo diferentes accións para difundir o programa como encontros con entidades veciñais, socioculturais e do terceiro sector co obxectivo de explicarlles de primeira man o funcionamento da iniciativa e animalos a participar. O Concello, ademais, habilitou puntos de información específicos na rede de bibliotecas, centros cívicos e rede de puntos de información xuvenil.

A diferencia da Coruña no concello de Cambre tivo un forte impacto o tecido asociativo. Membros do Goberno Municipal percorreron as distintas asociacions veciñais para engadir deste xeito as propostas de cada entidade.

Os técnicos municipais redactarán un orzamento para cada proxecto escollido das propostas que reciban máis apoios. A última fase, a votación final, levarase a cabo entre os días 17 e 24 de novembro e nela cada votante poderá apoiar proxectos de cidade que non rebasen o límite orzamentario de 1 millóns de euros do plan e outros proxectos para tres distritos cun máximo de 150.000 euros por distrito. Os resultados publicaranse entre os días 26 e 30 de novembro.

Redacción
Contenido publicado por la redacción de Noticias Coruña.
ARTÍCULOS RELACIONADOS

SÍGUENOS EN REDES SOCIALES

spot_img

Últimas publicaciones

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies