O candidato a alcaldía José Manuel Sande pide máis equipamentos infantís no barrio de Bens
O candidato de Podemos, Esquerda Unida e Alianza Verde á alcaldía da Coruña, José Manuel Sande, reivindicou este sábado a necesidade de que todos os barrios rurais da Coruña conten con equipamentos adicados á infancia, logo de visitar Bens xunto á representación veciñal da zona.
Mentres diversos distritos da cidade contan con parques infantís, escola municipal e mesmo facilidades como un centro cívico con programación específica, o caso de Bens semella pertencer a outra realidade. A día de hoxe non existe parque para as nenas e nenos, un punto moi negativo para as familias do barrio.
Os parques son recunchos de socialización e xogos da infancia coruñesa, mais tamén elementos facilitadores de diálogos por parte das familias en contextos adicados ao ocio.
Sande lamenta que Bens non conte cun equipamento adicado á infancia e comprometeuse a traballar para acadar este recinto e dotalo dos medios axeitados para rachar cunha discriminación histórica do barrio.
